Исполнувањето на времето, инспирацијата, мотивацијата и успешноста зависат од едно нешто- желбата кон она што навистина сакаш да го правиш. Кога ќе го запознаеш она што навистина те исполнува во сите можни мигови, потруди се да се приближиш кон него и да научиш се. Ако сакаш да бидеш подготвен, силен, мотивиран и доволно инспириран за да направиш нешто, пронајди го својот пат до спортот. Јас го најдов, а тоа е Тенисот. 

  Бидејќи времињата се променија и пред неколку години ни овозможија да го играме овој спорт, иако знаејќи го уште од мала возраст, среќна сум што сум дел од нашиот тениски клуб „Ас“. Освен за време на тренинзите, прекувремено кога сум во можност или сум доволно „изнервирана“ и полна со енергија, тенискиот терен е мојот избор за дружење.